轉勢??

好耐都冇留言....
冇原因..因為係懶,,

今日期結, 恆指開頭係好威..升成二百幾..
去到晏晝由升轉跌...最後趺近 150點收場.
小弟由4月睇淡到而家..佢係咁升..
都係睇少左資金市既強度..
真係估佢唔到..
但係而家睇落..HSI由低位升到而家都成50%.
睇淡味更強..雖然可以話咁耐我都係錯緊..
但係朼問下大家...
而家你地會唔會夠膽開個好倉先??

金磚四國既巴西股值比中港仲低..
招股金額比香港上市既更多...
如果你係資金既主人.你會點做??

牛市來臨 定 熊市反彈

4月6日

上星期整個星期, 恆指累計升幅成千二點, 主要係星期四的單日升幅1006 點帶起. 令到[指數上望15000點(執筆時己過15000), 而50天平均線止趺回升, 睇落牛氣沖天, 但香港既經濟係唔係真係可以令股市形成牛市呢?? 牛市主要係要靠經濟好轉, 做生意既有錢搵, 做銀行既多 d 貸款(當然唔係有毒個d), 失業率在低水平等要素, 不過大家睇下而家, 做生意既, 都唔係好多搵到錢(指大部分公司), 銀行而家都好似唔係好想貸款咁, 如果唔係匯豐都唔會要加強資本要集資, 黎個世紀大供股, 而家既失業率就大家有眼睇, 雖然唔係好差, 但係就一定唔係好, 就多種因素黎睇, 呢次都唔會係牛市, 只係一次較大型既反彈. 大家要小心為上, 靈活走位.

又有人話大陸股市可帶旺香港股市, 呢個係有可能的, 不過我只係覺得可能係借一借腳, 因為外國投資者可能是看好中國市場, 但係要直接投資入中國比較不方便, 但香港有a+h 股, 外國投資者將之當作投資中國股票, 所以近期國企h股跑贏香港股, 而呢次反彈可能會因為外國投資者要收回資金而令股市下趺.睇黎G20 都唔係幫到好多...

4月7日

恆指今日低開成200點, 但尾市差不多收復全部失地, 全日只趺69點, 但昨日恆指升穿15000點, 又殺左唔少熊仔, 但係今日既全日成交額都有成500億, 算係近期較高, 唔似以前作日都係得二百幾三百億, 市場既投資氣紛又好似好番d咁, 表面上好似牛市來臨咁樣, 不過我又諗, 會唔會因為之前趺得太勁, 有基金大戶入貨, 等個市升番d, 有個反彈, 到而家由低位入貨既朋友應該搵唔少, 而家有好多散戶見到升成咁, 都忍唔住問, 點呀,,,入得未呀??? 如果佢地而家入左..就真係俾人套左現, 計我話都係睇定d先, 等個市真係冇晒d壞消息先喇....

唔好開口中

3月31日

恆指差唔多連升左成兩個星期, 昨日終於黎一次較大既調整, 趺成六百幾點, 唔知呢次反彈會唔會就咁完呢?? 睇黎之前睇兩會開會結果, 今次都係睇 g20 開會既結果,,, 但係 g20 好似未開大家都傾唔埋咁, 一邊個咁印銀紙, 話要搞好個經濟先, 一邊就話要搞管理, 總之個個都自己講自己個套, 都唔知傾完之後結果係點, 睇黎都係唔方好既多, 消息一出, 又再趺嗎???邊個知.

Gm同佳士拿份計劃過唔到奧巴馬個關, 佳士拿就要一個月內搵人同佢合作/併, 應該話係意大利既快意車廠, 一個月要搞好, 邊得呀?? 但係GM 就好 dd, 只要個改革大d, 同埋要佢個 CEO 收工, 佢既大改革, 話要同工人一齊承受, (無他都係出cut人招... 但係話係管理層之前做錯, 做左d高風險既野...又點解 d 工人要一齊承受呢??), 仲講到明話如果諗唔掂就破產保護咁話 woo. 如果係真既, 會唔會又觸發一場新的危機??? 真係唔好開口中呀,

溫總串爆

3月14日

溫總開完兩會之後, 開左個記招, 講明怕美國冇錢還, 要美國講信用, 保護中國既錢既安全, 問佢會唔會再買美債? 就話睇有冇需要, 不過我覺得中國都應該會再買, 因為中國出口好多都係出口去歐美, 如果歐洲太差, 中國都唔會好過得圠去邊. 但係佢買之餘, 一定會串爆美國同會講番d條件, 同埋岩岩南中國海又發生軍事事件, 美方似乎唔係咁強硬, 唔似以前既作風, 加上之前巴拿馬海盜事件, 令中國國際軍事占了一重要席位, 睇黎比美國強, 但真正應該而家都係美國強, 但黎緊美國財政咁緊強, 放在軍方面的資源應該少左, 可以俾中國或其他國家軍事方面有領先的機會.
而問溫總點睇人民幣, 溫總就話人民幣既升趺係由中國自己決定, 其他國家係干預唔到的. 嘩 , 我一聽到, 溫總咁勁既, 咁都夠膽講, 明串爆美國woo, 又係又唔係冇道理, 睇番中國而家咁多美債, 美元扁值對中國絶對冇好處, 除非玩野, 不過溫總真係串得好.
但我反而想, 溫總的政策可行, 但黎緊的下一個總理會做作點呢??

青姐都忍唔住

3月10日

昨日市場都係睇住隻匯豐, 全日唔計競價都係趺一百點多d, 但係晌競價最後個幾秒, 突然有一個人mark33蚊估, 而咁岩得咁橋, 又有一個人mark 33蚊買, 最後仲成左單交易, 小弟當時並冇晌電腦邊睇住, 但係聽同事講話青姐個節目有野睇, 咁即刻過去睇下咩事喇, 當時一睇到青姐見到有人 mark 33蚊個時, 都嘩嘩聲, 之後響鐘收市, 青姐同另一主持都一齊講'u左呀, 成左呀..' 即係匯豐今日既收市價係 33蚊, 係成二十年前既價, 我睇到我當時都嘩一聲, 之後見到青姐開始抖大氣, 講左一句'真係趺得好慘', 另一主持都叫佢唔好咁唔開心, 之後青姐就用手指擦一擦眼角, 就冇再出過聲,
我都估唔到青姐當時反應會咁大, 雖然身為一個專業既分析員係唔應該感情用事, 但係試問又有邊個香港既分析員對匯豐冇感情丫, 連六叔都睇淡, 仲話唔再講匯豐股票tim,
不過好在 adr 都做番好 d, 今日一開市就升番去 36-37, 收市都係咁上下價, 睇黎都好似做番穩d, 但係都係睇埋佢除權之後到供股之前咩情況先.

曹sir有人話黎緊可能會有第二隻熊腳捉, 我都覺得有可能, 係因為匯豐要供股, 而市場既反應大多數都係睇定d先, 所以先有機會就俾左個機會俾大戶沽, 我睇既話呀, 如果一話要供股, 全部散戶都沽晒貨先, 咁都可能會趺到去 33 蚊, 但係就唔會係俾人晌競價時一野就沽落去 loo, 如果而家得 36-37蚊, d 散戶先至黎沽既話, 到時真係變成 AIG 都有份....但係會唔係反彈呢?同埋又反彈幾多呢? 天知.

5號仔之業績公佈

2月27日

今日恆指極為反覆,
全日趺八十幾點,
都唔係趺好多者...
個個都好似等緊5號仔個業績咁..
呢兩日趺咁少都係靠佢..
藍籌股佢就連升幾日...
由之前傳集資...
直趺到低位54蚊 ..
跟住又唔覺唔覺..
又升到今日收市差唔多57蚊...
咁公佈業績之後又會點呢??
睇番之前東亞,
講明話業績唔好架喇..
一次過計埋全部唔見左幾多...
結果係利潤少左99%
公佈完之後又升番...
唔知匯豐今次會唔會好似東亞咁呢??
睇黎大家都係觀望多..
今日全日都係唔多郁...
但小心..最後尾成交量急增..
一野3.8億咁咁沽落去...
佔全日成交量成十三巴仙...
似乎有大戶做野...
唔知係唔係沽空盤要平倉...
又睇番佢呢個月既波幅..
由2月10日既63蚊
趺到2月24日既全日低位 53.5.....
之後又抽上番今日56.9(最後俾人質低左成蚊,由升轉趺)
加上現小量超買...
平均線全部向下...
後市似是反覆尋底的格局...

本人估計
下星期會下試低位53.5..
至51蚊左右搵支持位...

又有野執笠???

2月24日

昨日恆指唔理美國...
勁升四百幾五百點...
係威係勢咁..
今日即刻回番晒...
好似冇事發生咁..
上個星期三到而家..
其實都冇郁過不過今日趺左三百幾四百...
睇埋過走勢..
黎緊都似會走向下多d..
同埋加上傳AIG有財政問題..
又話會執..
又話金融海嘨第二波..
不過都唔係冇前科..
上年前後俾左一千五百億佢..
洗左一年就話洗晒..
我就冇乜點研究佢d錢用左去邊...
但係我就諗下..
果佢真係執左...
我地會點...???

咁大間國際保險公司好多銀行同其他公司的金融業務都有影響.
呆壞帳會增加..
令各行各業既業績見紅..
令現金流下降..
又因為業績見紅,
令銀行唔敢借錢俾佢地..
或者銀行其實都冇0乜現金借俾人..
最大獲就銀行都唔掂..
再加埋多間大金融機構同保險公司執笠
失業上升....
咁就想冇事都難...

以上都係個人吹水...睇下就算...

熊市三期??

2月17日

恆指全日趺510點..
計埋早前趺個 d ..
即係升左咁多日都係打個和...
成個二月睇黎都係趺既多..
早前想入市..
發覺得多股票都有 d 超買..
RSI14 有 d 仲去到八十幾...
以前就話者...
而家..過左 50 都未玩呀..

但係呢幾日既回吐..
令有 d 股票回到超賣區..
RSI 去番40左右..
呢個熊市話俾我知
RSI 晌熊市中都幾準...
每逄一低過 23十..
佢都會有個較大既反彈..
會令佢彈上大約 40 點左右..
即係RSI 50-60
而佢一上到 70 左右既話.
就多數會有個大調整...

不過小弟經驗尚淺...
仲未係好識得點睇大勢..
只係覺得而家經濟全球化..
歐美銀行唔掂...
香港同中國都幾難獨善其身..
牛年岩岩開始..
國指牛左咁多日..
好似都唔係好升得番上去咁..
同埋而家投資氣氛咁敏感...
黎緊又係香港大銀行,大藍籌既業績時候...
咁岩又公佈香港失業率又呢幾年既新高....
國家既救市方案既影響力好似唔係好幫到個市..
因為大家都係炒下救市方案既股..
而唔係大家既投資氣氛明顯改善..
各國既任何報告都好既少..係唔好既多..
咁樣落去...想牛都難喇...
但係又因為而家好多股票估價太低...
根本趺唔落去....
形成而家呢個長方形走勢...
唔似之前..人人怕走唔切..
乜都唔理沽左先算...
而家係因為都冇得點再趺...
我就唔信一間正正常常有錢賺既公司估價係零..
因為點都有個價...
個個而家就係唔敢高買....
又怕賣左佢先黎反彈...
左又怕,右又怕..
因為都係冇信心者...
不過當大部份人都因為怕前景唔明朗..
而沽出股票...
又越黎越多人咁做之後...
冇晒信心..唔再買...

咁大家就要小心了...
熊市三期似遠還近...
(本人認為熊2反彈市就完成...三期將至)

(別人恐懼我貪婪.別人貪婪我恐懼)
呢句講就易..
做得到既.....
你未係股神 loo..

大行報告

2月16日

上周六情人節.
周圍食情人餐平過上年,
但係都好似唔係好多人出街食,
包括我在內.
本想在某大超市買牛扒自己下廚.
但發覺竟然多人到行都行唔到...
仲要最多人買既..
唔係平價既野.
而係過百蚊一件既牛扒呀..紅酒呀...
個 d 平時冇乜人買既貴野.
咁係唔係根本d 人唔係冇錢,,
而只係唔想洗咁多錢?
今日d大行又唱銀行股.
不過今次唔係唱佢估值低叫人買.
而係話佢地今年應該會賺得好少.
甚至盈警...真係搞笑..
d大行真係咩講一餐,,,
雖然銀行問題歐美最大獲.
但係中國同香港既銀行又點會有運行呢...
之前又話某某銀行股估值偏低..
又強烈買入又成...
雖然股票市場係成日都變...
但係都唔駛變成咁呀??

萬眾期待的救市方案

2月11日
萬眾期待,
奧巴馬刺激經濟方案終於出台,
方案結果好似並唔重要,重要既係,
救市概念岩岩結束(爆破),
導致昨晚道指急趺成4百幾點,
同埋香港都連升左咁多日,,
市場已經有好多沽壓架喇,,
港股今日想好都幾難..
回吐番 d 都好正常..
不過就趺得好急..
睇黎呢個星期冇乜特別野既話,
應該到星期尾升穿14000點機會都幾細,,
以而家呢個形勢睇,
我覺得都係睇定 d 好 d,升左咁多日,
RSI 已超買, 又未突破到 14000點關口,
升勢應很難持續,
而趺劫亦未有其他壞消息影響,(只因估計的更差),
上落市,,,大家都係小心 D 好..

電信盈科

昨晚道指表現反覆,
全日微升幾十點,
都係因為參眾兩院達成共識,
通過左個救市方案,
但係又比市場期望既低,,
大家都估到個結果都係咁上下架喇...
出晒口術咁..所以個市好淡爭持,
中間一度倒趺.但其後有番 d 支持.
全日都叫升丫..

睇番近 d .電信盈科私有化單野..
有 d 小股東話 d 大股東種票..
話唔公平咁話...
計我話...而家盈科 3.9 至 4-1 左右..
佢回收價係 4.5 . 點計都有10%執..
但係唔知點解都冇人入貨..
既然佢既而家都通過左..
點解唔而家執番佢一筆呢??
不過呢 d 都係投機野..
佢又有官司在身...
大家都係小心 d 好...

用得其所嗎???

2月9日
今天元宵節,恆指高開,恆指已經連升幾日,
收市報13769, 升左百幾點,似乎繼續向好,
但因為有獲利回吐.
中段一度不升反趺,
但最後都係升市收場.

任總早前講過, 金融海嘨第二波就會黎,
要大家小心,曾幾何時買股票係唔駛理風險??
金融海嘨第二波, 應該會係失業率上升,
致樓市斷供,銀主盤湧現, 致樓價下趺,
負資產數量上升.一環扣一環,
銀行又唔借錢俾人,
經濟持續下滑.

點解咁講??
因為有美國前車之鑑,
兩房爆左之後,各大投行先至話唔掂.
之後信貸收縮.(而家香港)再者公司倒閉,
失業潮開始.樓市斷供.銀主盤湧現,致樓價下趺,
雖然樓價平左,但係銀行唔肯借錢(保護主意即而家美國),
令有錢買樓既人借唔到錢買,
令樓價進一步下滑在支持力不足夠的時候.
而又沒有有效的刺激經濟方案,
又遇上這種情時,經濟想好都難...

但另一方面,中國推出4萬億救市方案
,現漸見成效.行業漸見信心,
因為錢係流左去各行各業,而唔係美國咁,
d錢俾d有問題既銀行,
同負債累累既企業,結果係點??
未就係用左晌高層花紅,
銀行股做空者(只因看清原因,無理由咁做都唔趺),
英國注資後對現價差唔多唔見左八成,
d錢用得其所嗎?
咁就真係要放長雙眼睇真 d 喇...

港股何去何從??

美國趺,香港趺.國企升,香港升.有時美國升.香港趺.國企升時.香港都係趺,
真係唔係好知佢想點,不過小弟覺得而家呢個時間,可以用少少心理學加埋波浪理論分析一下,恆指由低位 10676 到而家都未趺穿,而且一浪高於一浪,支持位已經升到萬二點多 d ,但係都仲未升穿高位一萬五千幾,波浪理論叫螺旋待變..升穿就會再上,,趺穿就會再穿,,,即係冇講過,但係都唔會完全冇用既,可能我對波浪的認識只係皮毛..即使係咁..我地已經知道佢而家係待變緊..未等佢變完先再玩 loo.
如果大家再咁買落去,,情況就似買大細.都係博一博.
而心理學方面,因為國家4萬億救市既效果開始見效(因為都仲未有d大企業頂唔住),令市場有番 d 信心,,而溫總出訪歐洲都係 sell信心,令市況好轉,但另一方面,美國既好多數據都幾差下,而香港雖然話係背後有中國呢個大佬,,但係出口都係去歐美等金融重災區.所以香港都係因為唔知個信心放在邊,成日就左跟右跟.想知港股以後方向.其實就係睇大家對邊一邊有信心多d,大家想邊邊好呢??大家心照喇.

真係唔再信價值投資法?

恆生指數由前年高位3萬幾點趺到 1萬點多 dd..如何在3萬點入市既話.真係唔知幾時先回到本...但係如果在1萬點多dd個時入,到而家都有3千點執.所以價值投資法主要係要睇 timmng.如果係咁重視 timing 既話,會唔會叫做投機呀??好高風險架 woo..有冇風險係睇你自己有冇做功課.
其實投資係一門生意.你買投票.係你覺得個門生意有得做,但係又好難即刻開間公司做呢 d 生意,所以最快就係買個一類公司既股票,叫做同佢夾份做生意,雖然好細份,,所以..所有投資都係做生意,所有生意都有風險,包括值投資法,畢非德今年都輸錢,但係如果在 1萬點多dd入市,話就話有2-3千點執,都要睇下咩股票, 1萬點時價值較低的反彈力一定會較強,好似 建材3323 咁.. 由3x元 趺到 1萬點的 兩個幾..而家由 兩個幾千番去 8-9 蚊.. 升成 3-4倍, 你都咪話唔勁,,,